A ABE ORGANIZA UN NOVO ALMORZO FORMATIVO PARA INFORMAR SOBRE AS AXUDAS AO COMERCIO
Durante a sesión, explicáronse as diferentes liñas dispoñibles, que inclúen axudas para a transformación dixital, a mellora da eficiencia enerxética e a modernización dos establecementos comerciais.
Os asistentes tamén tiveron a oportunidade de almorzar xuntos e conversar entre eles, fomentando o networking e o intercambio de experiencias dentro do sector comercial local.
Boiro 20 de febreiro de 2025
A Asociación Boirense de Empresas (ABE) organizou unha nova edición dos seus Almorzos ABE, centrada en informar sobre as novas liñas de axudas para o comercio incluídas na orde CO300C, destinadas a impulsar a modernización e dixitalización do sector.
Durante a sesión, explicáronse as diferentes liñas dispoñibles, que inclúen axudas para a transformación dixital, a mellora da eficiencia enerxética e a modernización dos establecementos comerciais.
A pílula formativa impartida polo xerente da asociación, Tomás Estévez, asistiron, tanto a comercios asociados como non asociados, permitindo así que todo o tecido comercial de Boiro puidese beneficiarse da información.
Os asistentes tamén tiveron a oportunidade de almorzar xuntos e conversar entre eles, fomentando o networking e o intercambio de experiencias dentro do sector comercial local.
Desde a ABE lembran que a asociación tramita estas e outras axudas para facilitar o acceso dos comercios aos diferentes programas de subvencións vixentes.
Para máis información, os interesados poden contactar coa entidade.